கூர்வலி

வார்த்தைகளை வேட்டையாட முயன்று முயன்று 
தோற்றுக் கொண்டிருக்கிறேன்

என் வலியின் கூர்மையில் 
அத்தனை வார்த்தைகளும் நொறுங்குகின்றன

வலி என்னைக் கிழித்துவிடாமல் இருக்கவே 
வார்த்தைகளைக் கிழித்துக் கொண்டிருக்கிறேன் 

உன் பலத்தால் உண்டான வலிகளை 
சிறுநீர் கழிக்கையில் எரிச்சலாகவும்
இருட்டிய அறையில் தனிமையாகவும் 
கடத்திக்கொண்டிருக்கிறேன் 

என் இயலாமையால் வந்த வலியைத் தான் 
மறைக்கவோ கடக்கவோ முடியாமல் தவிக்கிறேன்

அம்மாவையும் கிழித்துவிட விருப்பமில்லை, 
இந்த டையரியையேனும் கிழிக்காதிருக்க முயல்கிறேன் 
அந்தக் கூர்மை சகலத்தையும் கிழித்துவிடுகிறது

என்னைக் கிழித்தாலொழிய மழுங்காக் கூர்மை அது.